Во зимо може да уживате во салата покрај каминот, а во лето зеленилото во градината,заедно со прекрасниот жубор на водопадот и опојниот мирис на многуте булки со опоен мирис ги разигруваат сите ваши сетила во комбинација со некој гурмански специјалитет кој се нуди.
Дел од специјалитетите во менито на ресторанот се стари македонски јадења,чиј рецепти се пренесувани со генерации,а дел се јадења кој ја достигнаа својата ‘’популарност’’ во поново време.Тука може да вкусите од добро познатите македонски вина и ракија кој оставаат траг по својот квалитет на Балканот и пошироко.
Веќе прераснат во голем ресторан , се организираат секаков вид на прослави: свадби, крштевки, родендени, мекици, работни состаноци, коктели , но тука можете да го исполните и вашето слободно време уживајки во семеен ручек или вечера или дружење со пријателите.Нашиот тим Ви стои на располагање да ви помогне и поддржи да го направите својот избор и да ја исполните вашата замисла на вашата прослава за цветни аранжмани, балони, бели гулаби, свеќи, специјални светлосни ефекти,фото-студио,музика , како и при избор на менито.Се ова ќе допринесе да ги исполните вашите замисли за вашиот посебен ден.
За многумина , ова волшебно место во себе крие спомени , незаборавни мигови ,сеќавања , навраќаjќи ги во минатото и изнудувајќи воздишки при раскажување на убавите моменти од минатото.
Во потрага по се она што го бара новото време, како и негова реализација за создавање на нови спомени,а воедно зачувувајќи ги трагите од традицијата и спомените на ова место Ви посакуваме добредојде во нашиот ресторан.